Премьер-министр Олжас Бектенов ұлттық жүк әуе компаниясын дамыту және теңіз бен теміржол тасымалдарын ұлғайту мәселелерін қарады. Кеңесте Мемлекет басшысының тапсырмаларын орындау жолдары пысықталды, деп хабарлайды Zhaiyqmedia.kz ақпарат агенттігі.
Үкімет отырысында ұлттық жүк әуе компаниясының жұмысын жандандыру тәсілдеріне ерекше назар аударылды. Бектенов тасымал көлемін арттыру үшін тиімді логистикалық шешімдер қажет екенін атап өтті.
«Біз әуе, теңіз және теміржол тасымалдарын біріктіретін кешенді жүйе құруымыз керек. Бұл экспорттық әлеуетті арттырып, экономикаға серпін береді», — деді премьер-министр.
Қазіргі таңда ұлттық тасымалдаушының флоты жаңартылып, халықаралық бағыттар кеңейтілуде. Келесі кезеңде теңіз порттары мен теміржол тораптарын модернизациялау жоспарланған.
