Сурет: Ашық дереккөз
1986 жылдың желтоқсанында Қазақстандағы жастар Кеңес Одағының тоталитарлық режиміне қарсы шықты. Сол кезде қазақ жастары ұлттық-демократиялық қозғалыстың дамуына елеулі үлес қосып, бұрынғы КСРО аумағындағы жағдайға өз ықпалын тигізді.
Ресми дереккөздерге сәйкес, желтоқсан көтерілісіне қатысқандар арасында студенттер көп болды. Сол жылдары 264 студент оқу орнынан шығарылғаны хабарланған. 1990 жылғы тамызда Халыққа білім беру министрлігінің анықтамасында бұл көрсеткіш 309 студентке жеткені көрсетілген. Көбінесе көтеріліске қатысқан жастардың жасы 17–25 аралығында болған.
Желтоқсан оқиғалары Кеңес Одағының ыдырау процесіне және Қазақстандағы ұлттық қозғалыстың белсенді дамуына бастама болған маңызды тарихи кезең ретінде қарастырылады. Оқиға жастардың өз елінің саяси және әлеуметтік мәселелеріне белсенді араласуынан туған.
