Сурет: АЗЕРТАДЖ
Колумбиялық құтқарушылар Венесуэлада 11 жастағы баланы 70 сағат бойы үйінді астында қалғаннан кейін аман алып шықты, деп хабарлайды Zhaiyqmedia.kz ақпарат агенттігі.
Колумбияның Қорғаныс министрлігі бұл операцияның үміт сыйлап, тірі қалғандарды іздеу жұмыстарын жалғастыруға жігерлендіретінін атап өтті. Ведомство сондай-ақ Колумбияның Табиғи апаттар қаупін басқару ұлттық қызметі мамандары мен Богота өрт сөндіру қызметкерлерінің жанқиярлығы мен батылдығын жоғары бағалады.
Венесуэлада 24 маусымда болған жер сілкінісінен қаза тапқандар саны 1430-ға жетті. Біріккен ұлттар ұйымы Венесуэлаға көмек көрсету үшін халықаралық қауымдастықты бұрын-соңды болмаған деңгейде жұмылуға шақырды.
Қасым-Жомарт Тоқаев Венесуэла Президентінің міндетін атқарушы Делси Родригеске көңіл айту жеделхатын жолдады.
