Сурет: Aikyn.kz
Биыл магистратураға түсетіндерге кешенді тестілеуге тіркелу мерзімі жарияланды. Енді үміткерлер тек білім беру бағдарламалары тобының бейіні бойынша ғана тест тапсырады, деп хабарлайды Zhaiyqmedia.kz ақпарат агенттігі.
Тестілеуге тіркеу 1 маусымнан басталып, 30 маусымға дейін жалғасады. Үміткерлер электронды үкімет порталы немесе арнайы сайт арқылы өтінім бере алады.
«Биылғы ерекшелік – түсушілер тек таңдаған мамандығы бойынша тест тапсырады. Бұл білім сапасын арттыруға және магистранттардың кәсіби дайындығын тексеруге мүмкіндік береді», – деді Білім министрлігінің өкілі.
Тестілеу екі кезеңнен тұрады: біріншісі – шетел тілі, екіншісі – бейіндік пәндер. Әр пән бойынша шекті балл 50-ден кем болмауы керек.
Магистратураға түсу үшін кешенді тестілеуден өту міндетті. Нәтижелер 20 шілдеге дейін жарияланады деп жоспарлануда.
