Қазақстан халықаралық жемқорлықты қабылдау индексіндегі орнын тағы да нашарлатты, деп хабарлайды Zhaiyqmedia ақпарат агенттігі.
Transparency International ұйымының жаңа зерттеуіне сәйкес, Қазақстан 100 мүмкін балдан 38 балл жинап, өткен жылмен салыстырғанда екі ұпай жоғалтқан. Осылайша еліміз 182 мемлекеттің ішінде 96-орынға жайғасты.
Бұл көрсеткіш бойынша Қазақстан Эфиопия және Суринам сияқты елдермен бір деңгейде тұр. Рейтингте бізге жақын орналасқан мемлекеттер қатарында Колумбия, Доминикан Республикасы, Гамбия, Лесото, Замбия, Мальдив аралдары, Марокко және Тунис бар.
Сарапшылардың пікірінше, бұл нәтиже елдегі сыбайлас жемқорлыққа қарсы күресті одан әрі күшейту қажеттігін көрсетеді.
Фото: Әлеуметтік желіден
