Бельгер көшесін Әбілқайыр хан даңғылымен жалғайтын «Депо» көпіріндегі ағымдағы жөндеу жұмыстары толық аяқталып, көпір қайта қолданысқа берілді.
Жөндеу аясында көпір үстіндегі 11 деформациялық жігі қалпына келтірілді. Жөндеумен қамтылған учаскенің ұзындығы – 536 метр. Жұмыстарды «Нұртем» ЖШС мердігер ұйымы жүргізді.
26 маусымда басталған жөндеу жұмыстары екі аптаға жоспарланған болатын. Алайда мердігер компания белгіленген мерзімнен бұрын аяқтау үшін барлық қажетті ресурстарды жұмылдырып, жұмыстарды мерзімінен бұрын аяқтады.
Көпір жабынына жол таңбалары сызылып, толықтай жуылып, тұрғындар игілігіне қайта ұсынылды.
Орал қаласы әкімінің баспасөз қызметі
Фото «Информбиржа» сайтынан
