Сурет: Aikyn.kz
Қазақстандық балуан Нұрасыл Аманалы Моңғолия астанасы Ұлан-Батырда өтіп жатқан грек-рим күресінен рейтингтік турнирде күміс жүлдеге ие болды, деп хабарлайды Zhaiyqmedia.kz ақпарат агенттігі.
97 келі салмақ дәрежесінде өнер көрсеткен Нұрасыл Аманалы финалға жолдама алды. Алтын үшін белдесуде ол үндістандық Нитешпен кездесті.
Қарсыластар арасындағы тартысты бәсеке 13:9 есебімен үндістандық балуанның пайдасына шешілді. Осылайша, Нұрасыл Аманалы турнирдің күміс жүлдегері атанды.
Сонымен қатар, 72 келіге дейінгі салмақта қола медаль үшін күрескен Сұлтан Әсетұлы қырғызстандық Жанторо Мирзалиевтен ұтылып қалды.
