Сурет: Ашық дереккөз
АҚШ-тың Огайо штатындағы Толидо қаласында Old West End фестивалі өтетін орынның маңында атыс болды, деп хабарлайды Zhaiyqmedia.kz ақпарат агенттігі.
Алдын ала мәліметтерге сәйкес, атысқа кем дегенде екі адам қатысқан. Қазіргі уақытта полиция оларды іздестіріп жатыр.
Толидо полициясының хабарлауынша, атыс салдарынан 12 адам жарақат алды, оның екеуінің жағдайы ауыр. Зардап шеккендердің көпшілігінің жасы шамамен 20-да.
Полиция күдіктілердің бір-біріне оқ атқан болуы мүмкін екенін мәлімдеді.
Old West End — Толидо қаласының тарихи ауданында жыл сайын өткізілетін екі күндік фестиваль.
