Мемлекет басшысы Қасым-Жомарт Тоқаев Бразилияның Сыртқы істер министрі Мауро Виейраны қабылдады. Кездесуде екі ел арасындағы саяси, экономикалық және мәдени байланыстарды нығайту мәселелері талқыланды, деп хабарлайды Zhaiyqmedia.kz ақпарат агенттігі.
Президент Тоқаев Бразилиямен ынтымақтастықтың маңыздылығын атап өтіп, екіжақты қатынастарды жаңа деңгейге көтеруге ниетті екенін жеткізді. Министр Виейра Қазақстанның Бразилия үшін маңызды серіктес екенін айтып, ынтымақтастықты кеңейтуге дайын екенін білдірді.
«Біздің елдеріміз арасындағы дипломатиялық қатынастардың дамуы – ортақ мақсаттарға жетуге мүмкіндік береді. Бразилия Қазақстанмен сауда-экономикалық байланыстарды нығайтуға мүдделі», – деді Мауро Виейра.
Кездесу соңында тараптар алдағы уақытта бірлескен жобаларды жүзеге асыру және халықаралық ұйымдар аясында өзара іс-қимылды күшейту туралы уағдаласты.
