Сурет: Қарағанды облысының әкімдігі
Балқаш қаласындағы әуежай күрделі жөндеуден өтіп, есігін қайта ашты. Қазірдің өзінде алғашқы ұшақтар қона бастады, деп хабарлайды Zhaiyqmedia.kz ақпарат агенттігі.
Жаңартылған әуежай заманауи талаптарға сай жабдықталған. Жолаушылар терминалы кеңейіп, ұшу-қону жолағы жаңартылды. Бұл өңірдің туристік әлеуетін арттырып, жергілікті тұрғындарға қолайлы жағдай жасайды.
«Біздің мақсат – Балқашты әуе қатынасы жақсы дамыған орталыққа айналдыру. Жаңа әуежай бұл бағыттағы маңызды қадам», – деді әуежай әкімшілігінің өкілі.
Алғашқы рейстер елорда мен Алматыдан қабылданды. Келесі кезекте ішкі бағыттарды кеңейту жоспарланған.
