Қазақстанда кедендік рәсімдерді автоматтандыруға арналған «KEDEN» ақпараттық жүйесі 5 мыңға жуық заңбұзушылықты анықтады. Бұл жүйе мемлекеттік қызметтерді көрсету кезінде адами факторды азайту үшін іске қосылған еді, деп хабарлайды Zhaiyqmedia.kz ақпарат агенттігі.
«KEDEN» жүйесі кедендік бақылау мен рәсімдерді толық автоматтандыруға мүмкіндік берді. Нәтижесінде, қызметкерлердің тікелей араласуынсыз-ақ көптеген бұзушылықтар анықталып жатыр.
«Жүйе іске қосылғаннан бері 5 мыңға жуық заңбұзушылық тіркелді. Бұл – адами фактордың азайғанын көрсетеді», – дейді мамандар.
Жаңа жүйе кедендік қызметтердің ашықтығын арттырып, сыбайлас жемқорлық тәуекелдерін төмендетуге септігін тигізуде. Бұдан былай кеденшілердің жұмысы цифрлық форматқа көшкендіктен, қателіктер мен заңсыз әрекеттердің алдын алу оңайырақ болады.
