Үкімет отырысында 2025 жылға арналған еліміздің әлеуметтік-экономикалық даму болжамы мен биылғы жылға арналған жоспарлар талқыланды, деп хабарлайды Zhaiyqmedia ақпарат агенттігі.
Күн тәртібіндегі негізгі мәселе бойынша Премьер-министр Олжас Бектенов баяндама жасап, алдағы жылдың экономикалық көрсеткіштеріне және Үкіметтің жоспарына тоқталды.
Жиында цифрландыру үдерісі мен жасанды интеллект технологияларын енгізу жайы да сөз болды. Бұл тақырыпта Премьер-министрдің орынбасары – Жасанды интеллект және цифрлық даму министрі Жаслан Мәдиев баяндама жасады.
Өз кезегінде Ұлттық банк төрағасы Тимур Сүлейменов ақша-несие саясатының негізгі бағыттары мен инфляцияны ауыздықтау үшін қабылданып жатқан шаралар туралы есеп берді.
Фото: Әлеуметтік желіден
