Мемлекет басшысы Қасым-Жомарт Тоқаев Швеция Королі XVI Карл Густавты 80 жасқа толуымен құттықтады, деп хабарлайды Zhaiyqmedia.kz ақпарат агенттігі.
Президент қос халық арасындағы достық пен өзара түсіністікті жоғары бағалайтынын, сондай-ақ Швециямен сан қырлы ынтымақтастықты одан әрі нығайтуға дайын екенін жеткізді.
«Біздің елдер арасындағы дипломатиялық қарым-қатынастардың дамуына сіздің қосқан үлесіңіз зор. Сіздің тұсыңызда Қазақстан мен Швеция арасындағы сауда-экономикалық, мәдени-гуманитарлық байланыстар жаңа деңгейге көтерілді», – делінген жеделхатта.
Қасым-Жомарт Тоқаев корольге мықты денсаулық, ұзақ ғұмыр және мемлекеттік қызметте табыс тіледі.
