Сурет: Egemen Qazaqstan
Ертең Ұланбатырда дзюдодан Grand Slam турнирінің алғашқы күні өтеді. Бұл жарыс балуандарға Лос-Анджелес Олимпиадасына жолдама беретін алғашқы лицензиялық сын болмақ, деп хабарлайды Zhaiyqmedia.kz ақпарат агенттігі.
Моңғолия астанасынан бастау алған іріктеу кезеңі 2028 жылдың 12 маусымына дейін жалғасады. Ерлер арасында Аман Бақытжан, Мағжан Шамшадин (60 кг), Нұрқанат Серікбаев, Ақжігіт Насыр (66 кг), Есет Қуанов, Аңсарбек Ғайнуллин (73 кг), Жалғас Қайролла, Асқар Нарқұлов (81 кг), Нұржан Бисенов, Айбол Нысаналы (90 кг) және Марат Байқамұров (100 кг) сынға түседі.
Әйелдер бәсекесінде Ғалия Тыңбаева, Диана Бүркеева (48 кг), Аружан Ережепова (52 кг), Дана Әбдірова, Дина Мұханбет (57 кг), Самалай Ерғалиева, Дәмелі Асылханова (63 кг), Камила Берліқаш және Ақерке Рамазанова (+78 кг) өнер көрсетеді.
