Сурет: istockphoto.com
«Қазгидромет» мамандары шілде айында бірқатар өңірде құрғақшылық болуы мүмкін екенін ескертті, деп хабарлайды Zhaiyqmedia.kz ақпарат агенттігі.
Құрғақшылық қаупі Павлодар облысының Ақтоғай, Ертіс, Железин, Успен, Шарбақты және Май аудандарында, Қарағанды облысының Ақтоғай, Бұқар жырау, Осакаров, Нұра, Қарқаралы және Шет аудандарында төніп тұр.
Сондай-ақ Шығыс Қазақстан облысының Зайсан, Үлкен Нарын, Күршім, Марқакөл, Тарбағатай аудандары мен Өскемен және Шемонаиха маңында, Абай облысының бірқатар ауданында да осындай жағдай күтіледі.
Алматы, Жетісу, Жамбыл, Түркістан және Қызылорда облыстарының жекелеген аудандарында орташа құрғақшылық болжанып отыр.
Кейбір өңірлерде, атап айтқанда Қостанай облысының Қарабалық және Жітіқара аудандарында, Ақтөбе облысының Мәртөк, Ойыл, Хромтау аудандарында және Ақтөбе қаласында ылғал деңгейі қалыпты болады деп күтіледі.
Мамандар ауыл шаруашылығы саласында сақтық шараларын күшейтуді ұсынады.
