Сурет: Ашық дереккөз
Астана қаласының әкімдігі екі көшеге еуропалық атау беру туралы қаулы қабылдады, деп хабарлайды Zhaiyqmedia.kz ақпарат агенттігі.
Жобалық атауы Е754 болған көше енді София деп аталады. Бұған дейін Болгария астанасы Софиядағы бір көшеге «Астана» атауы берілген еді.
«Astana Arena» спорт кешені мен «Алау» мұз сарайы арасындағы атаусыз көше Марко Поло есімімен аталады. Бұл ұсыныс алғаш рет 2025 жылдың қыркүйегінде айтылған. Көше Тұран даңғылынан басталып, Қабанбай батыр даңғылына дейін жалғасады.
Қаулы ресми жарияланғаннан кейін 10 күн өткен соң күшіне енеді. Құжат 10 маусымда қабылданған.
