Сурет: Ақорда
Қасым-Жомарт Тоқаев Қазақстанның әлеуметтік-экономикалық дамуы мен заңнамасын жетілдіруге үлес қосқан бір топ азаматты мемлекеттік наградамен марапаттады, деп хабарлайды Zhaiyqmedia.kz ақпарат агенттігі.
Мемлекет басшысы «Әкімшілік әділет және оның құқық үстемдігін қамтамасыз ету ісіндегі рөлі» атты халықаралық форумда сөз сөйледі. Президент заң мен тәртіп қағидатын ұлттық болмыстың ажырамас бөлігіне айналдыру қажеттігін атап өтті.
Сондай-ақ ол еліміздегі сот тәжірибесі үшін бетбұрыс кезеңі басталғанын, Ата заңға инвестициялық қуатты күшейтуге арналған нормалар қосылғанын, әкімшілік әділет рөлі нығайып келе жатқанын жеткізді. Президент Қазақстан шетел инвестициясын тарту көрсеткіші бойынша аймақта көш бастап тұрғанын, билік пен бизнес өкілдері мәселелерді бірлесе шешуі керектігін айтты.
