Сурет: Egemen Qazaqstan
Астанадағы мешітте намаз оқып жатқан ер адамның iPhone 13 ұялы телефоны ұрланды. Полиция күдіктіні ұстады, деп хабарлайды Zhaiyqmedia.kz ақпарат агенттігі.
Елорда полициясының мәліметінше, 36 жастағы ер адам мешіттен iPhone 13 телефонын ұрлады деген күдікпен ұсталды. Телефон иесі намаз оқып тұрған кезде күдікті оның бел сөмкесінен смартфонды алып, оқиға орнынан кетіп қалған.
Күдікті бейнебақылау камералары арқылы анықталды. Ұрланған смартфон иесіне қайтарылды.
