Сурет: Pixabay
Үндістанның Химачал-Прадеш штатында бір әйел бес ай ішінде үш рет күйеуге тиген. Полиция бұл факті бойынша тексеру жүргізіп жатыр, деп хабарлайды Zhaiyqmedia.kz ақпарат агенттігі.
БАҚ деректеріне сүйенсек, әйелдің де, оның күйеулерінің де есімдері жарияланбаған. Құқық қорғау органдары бұл істе алаяқтық немесе өзге де заңсыз әрекеттер болуы мүмкін екенін жоққа шығармайды.
Үндістанда бір уақытта бірнеше некеде болуға заңмен тыйым салынған. Сондықтан қысқа мерзімде үш рет үйлену фактісі полицияның назарын аударған.
Заңгерлердің айтуынша, егер некелердің шынайы отбасын құру ниетінсіз жасалғаны дәлелденсе, олар заңсыз деп танылуы мүмкін.
Қазір полиция куәгерлерден жауап алып, жағдайдың мән-жайын анықтап жатыр. Әйел әзірге түсініктеме бермеген. Оған қандай да бір жаза қолданылуы тергеу нәтижесіне байланысты.
