Астанада жәндіктерге қарсы күрес күшейтілді. Қалада дезинсекциялық жұмыстар басталып, тұрғындарға өңдеу жүріп жатқан аумақтарға бармау және терезелерін жауып ұстау ұсынылды, деп хабарлайды Zhaiyqmedia.kz ақпарат агенттігі.
Мамандар маса мен шыбын-шіркейдің көбеюіне жол бермеу үшін арнайы препараттарды қолданып жатыр. Өңдеу жұмыстары таңертең және кешке жүргізіледі.
«Тұрғындардан сақтық шараларын сақтауды сұраймыз. Өңдеу аймақтарына жақындамаңыздар, терезелерді жабыңыздар», — деді қалалық экология департаментінің өкілі.
Жұмыстар маусым бойы жалғасады. Әсіресе су айдындары мен саябақтардың маңына ерекше көңіл бөлінеді.
