Сурет: Egemen Qazaqstan
15 маусым күні УЕФА штаб-пәтерінде 19 жасқа дейінгі Еуропа чемпионаты-2027 іріктеу кезеңінің жеребесі тартылды. Қазақстан құрамасына қарсы ойнайтын командалар белгілі болды, деп хабарлайды Zhaiyqmedia.kz ақпарат агенттігі.
Сергей Лабодовскийдің шәкірттері Бельгия, Шотландия және Косовомен бір топқа түсті. Іріктеудің екінші кезеңі 21 қыркүйектен 6 қазанға дейін, сондай-ақ қарашадағы халықаралық ойындар аралығында өтеді.
Үшінші, яғни соңғы іріктеу кезеңіне өту үшін кем дегенде үшінші орын алу қажет. А лигасынан 21 команда және В лигасынан жеті команда жеті топ құрайды. Олардың жеңімпаздары турнир иесі ретінде Чехия құрамасына қосылады. Бұл ойындар 2027 жылдың көктемінде өтеді.
