Сурет: Egemen Qazaqstan
Мемлекет басшысы Қасым-Жомарт Тоқаев Геннадий Головкиннің есімі Халықаралық бокс даңқы залына ресми түрде жазылуымен құттықтады, деп хабарлайды Zhaiyqmedia.kz ақпарат агенттігі.
Президенттің айтуынша, бұл тарихи оқиға аты аңызға айналған отандасымыздың жаһандық спорттағы қолтаңбасының ерекше маңызды екенін дәлелдейді. Сонымен қатар, бұл Қазақстанның әлемдік аренадағы нақты бейнесі мен беделін қалыптастыруға қосқан үлесін көрсетеді. Мемлекет басшысы Геннадий Головкинді еліміздің мақтанышы және халықаралық спорт қоғамдастығындағы елшісі деп атады. Қасым-Жомарт Тоқаев дүние жүзіндегі ең үздік боксшылардың бірінен үлгі алған жас спортшыларымыздың жігерленіп, биік белестерді бағындыра беретініне сенім білдірді.
