Бұл кешендер көліктерге орнатылып, жол қозғалысы ережелерін бұзушыларды автоматты түрде анықтайды. Он кешеннің бесеуі жасырын көлік бақылау кешендері екенін айтқан ләзім. Бұл туралы Батыс Қазақстан облысының полиция департаменті хабарлады.
2025 жылдың 4 шілдесінен бастап іске кіріскен кешендердің бесеуі «Кибер-Шерифке» ұқсас, атауы — «Ekin Patrol». Бес кешен жасырын бақылауға арналған, «X-Spotter» деп аталады. Кешендердің төртеуі арнайы түске боялмаған және жанып-сөнетін маяктары жоқ полиция көліктеріне орнатылса, біреуі қалалық автобустардың біріне қойылған. БҚО ПДаталмыш бақылау кешендері қала маңындағы жолдарда, Орал қаласының көшелерінде қолданылып, жылдамдықты белгіленген режимнен асыруды, тоқтау мен аялдау тәртібін бұзуды, қарсы қозғалыс жолағына шығуды автоматты түрде тіркейтінін ескертеді.
