Атырауда қала күні мерекесіне орай өткен «Сүйікті қалам – Атырау» атты гала-концертке 10 мыңға жуық тұрғын жиналды.
Мерекелік шараның шымылдығы қала әкімі Шәкір Кейкиннің құттықтау сөзімен ашылды. Ол қала тұрғындарына ізгі тілегін білдіріп, Атыраудың дамуына үлес қосып жүрген азаматтарға алғыс айтты.
Кеш барысында еліміздің эстрада жұлдыздары Балжан Бидаш, Қазыбек Құрайыш, Тұрар Ыдырыс және жергілікті өнерпаздар өнер көрсетті.
Гала-концерттің соңы Атырау аспанын жарыққа бөлеген отшашумен қорытындыланды.
