«Даму» кәсіпкерлікті дамыту қоры шағын қалалар мен ауылдарда шағын және орта бизнес иелеріне қолдау көрсету үшін мобильді фронт-офистерді іске қосады, деп хабарлайды Zhaiyqmedia.kz ақпарат агенттігі.
Жобаның мақсаты – кәсіпкерлерге жергілікті жерде консультация беру және өтінімдер қабылдау. Мобильді офистер «Бәйтерек» холдингінің бағдарламалары аясында жұмыс істейді.
Қор өкілдерінің айтуынша, бұл шара әсіресе Орал өңіріндегі шағын қалалар мен ауылдардағы кәсіпкерлерге тиімді болмақ.
«Біз кәсіпкерлерге қолдауды олардың табалдырығына дейін жеткізгіміз келеді. Мобильді фронт-офистер уақыт пен қаражатты үнемдеуге мүмкіндік береді», – деді «Даму» қорының өкілі.
Жоба алдағы айларда пилоттық режимде іске қосылады. Егер сәтті болса, оны еліміздің басқа аймақтарына да тарату жоспарлануда.
