Сурет: Egemen Qazaqstan
Парагвай құрамасы әлем чемпионатының топтық кезеңінде Түркияны 1:0 есебімен жеңді, деп хабарлайды Zhaiyqmedia.kz ақпарат агенттігі.
Матиас Галарса ойынның 2-минутында жалғыз голды соқты. Парагвайдың жартылай қорғаушысы Мигель Альмирон Түркия ойыншысымен сөз таластыру кезінде аузын қолымен жауып сөйлегені үшін қызыл қағаз алды. Бұл ереже әлем чемпионатында қолданысқа енгізілген.
Бұған дейін Австралиядан 0:2 есебімен жеңілген Түркия плей-офф кезеңіне шығу мүмкіндігін жоғалтты. Парагвай екі ойыннан кейін үш ұпай жинады. Турнир кестесінде АҚШ құрамасы алты ұпаймен көш бастап, 1/16 финалға мерзімінен бұрын жолдама алды.
Келесі турда Түркия АҚШ-пен, ал Парагвай Австралиямен кездеседі. Австралияның да үш ұпайы бар.
