Оралдық ұстаздар Президент қолынан мемлекеттік награда алды,-деп хабарлайды Жайықмедиа.кз.
Ұстаздар күні қарсаңында Мемлекет басшысы Қасым-Жомарт Тоқаев білім беру саласына қосқан елеулі үлесі мен ерекше еңбегі үшін еліміздің бір топ педагогіне мемлекеттік марапат табыс етті.
Биылғы марапаттар тек мектеп мұғалімдеріне ғана емес, техникалық және кәсіптік білім беру ұйымдарының ұстаздарына, ата-анасының қамқорлығынсыз қалған балаларға арналған білім беру ұйымдарының педагогтеріне, педагогика саласының ардагерлеріне және ерекше қажеттіліктері бар балалармен жұмыс істейтін мұғалімдерге де берілді.
Марапат иелерінің қатарында батысқазақстандық педагогтер де бар. Атап айтқанда, Орал қаласындағы «№35 мектеп-лицейдің» мұғалімі Сәлима Әлиева «Ерен еңбегі үшін» медаліне, ал «Облыстық отбасы үлгісіндегі балалар ауылы» КММ-нің тәрбиеші-анасы Шынар Хамзина да мемлекеттік наградаға ие болды.
