Мемлекет басшысы Қасым-Жомарт Тоқаев стенд атудан Алматыда өткен Әлем кубогі кезеңінде жеңіске жеткен Әсем Орынбайды құттықтады, деп хабарлайды Zhaiyqmedia.kz ақпарат агенттігі.
Президент спортшының жетістігін ерекше атап, оның әлемдік рекорд жаңартқанын тілге тиек етті.
«Сіздің жеңісіңіз – қазақ спортының биік белесі. Еліміздің атын әлемге танытқаныңызға ризамын», – деді Тоқаев.
Әсем Орынбай Алматыдағы Әлем кубогінде қарсыластарынан басым түсіп, стенд атудан жаңа әлемдік рекорд орнатты. Бұл жетістік Қазақстанның спорттағы беделін көтерді.
