Қарағандыдағы пәтерлердің бірінен 38 жастағы әйел мен оның кәмелетке толмаған қызының зорлық-зомбылық белгілері бар денесі табылды, деп хабарлайды Zhaiyqmedia ақпарат агенттігі.
Полицияның мәліметінше, марқұмдардың денесінде кісі қолынан қаза тапқанын айғақтайтын белгілер болған. Осы жантүршігерлік оқиғаға байланысты дереу қылмыстық іс қозғалды.
Облыстық полиция департаменті күдіктінің жеке басы анықталғанын хабарлады. Қазіргі уақытта оны ұстау бойынша жедел-іздестіру шаралары жүргізіліп жатыр. Қылмыстың себеп-салдары мен басқа да мән-жайлары тергеу барысында анықталады.
Фото: Әлеуметтік желіден
