Президент Қасым-Жомарт Тоқаев Астанадағы LRT және басқа да қоғамдық көлік қозғалысын бақылайтын Бірыңғай диспетчерлік орталықты іске қосты, деп хабарлайды Zhaiyqmedia.kz ақпарат агенттігі.
Жаңа орталық қаладағы барлық қоғамдық көлік түрлерін, соның ішінде LRT жеңіл рельсті көлік жүйесін нақты уақыт режимінде бақылап, басқарады. Бұл көлік қозғалысын үйлестіріп, жолаушыларға ыңғайлы жағдай жасауға мүмкіндік береді.
«Бірыңғай диспетчерлік орталық – қала көлік жүйесінің миы. Ол ақаусыз жұмыс істеуі керек», – деді Президент.
Орталықтың ашылуы – Астанада көлік инфрақұрылымын жаңғырту бағытындағы маңызды қадам. Алдағы уақытта LRT желісін кеңейту және басқа да көлік жобаларын жүзеге асыру жоспарлануда.
