Түркияда жұмбақ жағдайда қаза тапқан қазақстандық әйелдің 7 жасар қызы бар екені белгілі болды, деп хабарлайды Zhaiyqmedia.kz ақпарат агенттігі.
Қазақстанның Сыртқы істер министрлігі оқиғаға қатысты ресми мәлімдеме жасады. Ведомство өкілдері қайтыс болған әйелдің жақындарына қажетті көмек көрсетіліп жатқанын жеткізді.
«Қазіргі уақытта марқұмның денесін отанына жеткізу мәселесі шешілуде. Барлық құжаттық рәсімдер жеделдетіліп жатыр», — делінген министрлік хабарламасында.
Қаза тапқан әйелдің қызы қазір туыстарының қарауында. Оқиғаның мән-жайын Түркия құқық қорғау органдары тергеп жатыр.
