Қазақстанда күн райының бұзылуына байланысты бес облыста республикалық маңызы бар жолдарда көлік қозғалысына шектеу енгізілді, деп хабарлайды Zhaiyqmedia ақпарат агенттігі.
Кейбір учаскелерде дизель отынымен жүретін көліктер мен жолаушылар автобустарының жүруіне тыйым салынса, Қарағанды облысында барлық көлік түрі үшін жол толығымен жабық.
Павлодар облысы: Астана, Қарағанды, Абай облысы және РФ шекарасы бағыттарында дизельді және қоғамдық көліктерге шектеу қойылды.
Абай облысы: Семей, Қалбатау, Аягөз тасжолдарында, сондай-ақ ШҚО мен РФ бағытында автобустар мен дизельді көліктердің жүруі шектелді.
Қарағанды облысы: Павлодар және Абай облыстарына қатынайтын жол учаскелерінде қозғалыс толығымен тоқтатылды.
Жетісу облысы: «Үшарал – Абай облысының шекарасы» учаскесінде автобустар мен дизельді көліктерге шектеу енгізілді.
Ақмола облысы: «Астана – Павлодар» тасжолында қоғамдық көліктер мен дизельді автокөліктердің қозғалысы тоқтатылды.
Жолдар шамамен 18 қаңтар күні таңғы сағат 9:00-де ашылады.
