Президент Қасым-Жомарт Тоқаев Жапониядағы сапары барысында сумо балуаны Ерсін Балтағұлмен кездесті,-деп хабарлайды Жайықмедиа кз.
Президент Қасым-Жомарт Тоқаев Жапонияға ресми сапары аясында қазақстандық сумо балуаны Ерсін Балтағұлмен кездесті. Кездесу барысында Президент Жапонияда білім алып, он жылдан астам уақыт бойы халықаралық деңгейдегі жарыстарда табысты өнер көрсетіп жүрген спортшының жетістіктерін атап өтті.
Сонымен қатар Қасым-Жомарт Тоқаев Император Нарухитомен өткен кездесуде қазақстандық балуанның спорттағы табыстары жөнінде әңгіме қозғалғанын айтты.
Айта кетейік, Ерсін Балтағұл Жапония тарихында Императорлық кубокта көшбасшы атанған алғашқы қазақстандық ретінде танылған. Ол сумо аренасында Кимбодзан Хируки лақап атымен өнер көрсетеді және Жапониядағы үздік балуандар қатарына енген жалғыз қазақстандық спортшы саналады.
