Орал қаласының әкімі Мұрат Байменовтің айтуынша, 10-шағын ауданда заманауи «Жайық Арена» көпфункционалды спорт кешені пайдалануға берілді.
Халықаралық стандарттарға сай салынған нысанда екі үлкен спорт залы, бассейн, скалодром және бірнеше мамандандырылған жаттығу бөлмелері бар. 1200 көрерменге арналған кең залы түрлі деңгейдегі спорттық жарыстар өткізуге мүмкіндік береді.
Бұдан бөлек, Деркөлдегі «Орал» спорт клубының ғимараты толық жөндеуден өтті. Спорт залдың жабындысы жаңартылып, 2025 жылға дейін төрт алаңда жасанды газон төсеу, қоршауларды жөндеу және спорттық белгілерді жаңарту жұмыстары жоспарланған.
Қала басшысының айтуынша, бұл жобалар Оралдың спорт инфрақұрылымын дамытып, бұқаралық спортты кеңінен насихаттауға бағытталған.
