Оралдық Тоқтар Әубәкіров бүлдіршінді судан құтқарып қалды

Оқыс оқиға 2025 жылғы 31 мамыр күні сағат 17:00 шамасында «Ақжол» демалыс орталығында орын алды. Қызметтен тыс, демалыс күні өзінің отбасымен демалыс орнында болған Орал қаласы ТЖБ бас маманы, азаматтық қорғау капитаны Тоқтар Әубәкіров ана-анасының қарауынсыз қалған 2019 жылы туған баланың суға тұншығып, батып бара жатқан жерінен құтқарып қалды. Қызметкердің жедел әрекетінің арқасында 5 жасар бала ажалдан аман қалды. Осыны ескерген БҚО ТЖ Департамент басшылығы 5 жасар бүлдіршінді ажалдан аман алып қалған Тоқтар Әубәкіровті Алғыс хатпен марапаттап, естелік сыйлық табыс етті.