2026 жылдан бастап Қазақстанда дәрігерлерді даярлау жүйесі түбегейлі өзгереді. Енді болашақ медиктер 5 жыл оқиды, ал интернатура екі жылға созылады. Бұл өзгерістерді Денсаулық сақтау министрі Ақмарал Әлназарова жария етті, деп хабарлайды Zhaiyqmedia.kz ақпарат агенттігі.
Министрдің айтуынша, жаңа модель студенттердің тәжірибелік дағдысын арттыруға бағытталған. Енді теориядан гөрі практикаға көп көңіл бөлінеді. Мамандардың пікірінше, бұл реформа денсаулық сақтау сапасын көтереді.
«Біз дәрігерлердің біліктілігін жаңа деңгейге көтереміз. Жаңа жүйеде студенттер ауруханаларда көбірек тәжірибе жинақтайды», — деді Ақмарал Әлназарова.
Жаңа модель бойынша, бакалавриат 5 жыл, интернатура 2 жыл болады. Сондай-ақ, резидентура мерзімі де қайта қаралады. Бұл өзгерістер 2026 жылдың қыркүйегінен бастап күшіне енеді.
