Мамыр айының соңы – мектеп бітірушілер үшін ыстық-ыстық дайындық кезеңі. Бірақ биыл ата-аналарға ескерту бар: дастарқан жаюға, сыйлыққа ақша жинауға болмайды.
Білім министрлігі бұл тыйымды қатаң ескертті. Енді мектеп бітіру кешінде ата-аналар ақша жинап, ұстаздарға қымбат сыйлық алуға, ас-су әзірлеуге тиым салынды. Шара тек ресми рәсіммен шектеледі.
«Ақша жинау, сыйлық алу – заңсыз. Мұғалімдерге тек гүл немесе қолдан жасалған шағын сыйлық ұсынуға болады», – деді министрлік өкілі.
Бұл талап бұзылса, мектеп әкімшілігі мен ұстаздар жауапқа тартылады. Оралдағы мектептер де бұл ережені ұстануы керек.
