Илон Масктың xAI компаниясы әзірлеген Grok чат-боты осы айдың соңына дейін Пентагонның ақпараттық жүйелеріне енгізілмек. Ол АҚШ Қорғаныс министрлігінің барлау деректеріне және басқа да ақпараттарына қол жеткізеді, деп хабарлайды Zhaiyqmedia ақпарат агенттігі.
Бұл туралы АҚШ Қорғаныс министрлігінің өкілі Техастағы SpaceX штаб-пәтерінде сөйлеген сөзінде мәлімдеді. Оның айтуынша, мұндай технологиялар америкалық қарулы күштерді «бұрынғыдан да қауқарлы» етеді.
«Жақын арада әлемдегі ең үздік жасанды интеллект модельдері біздің ведомствоның барлық құпия емес және құпия желілеріне енгізіледі», — деді ведомство өкілі.
Масктың чат-боты Пентагонда бұрыннан жұмыс істеп тұрған, Google компаниясының Gemini моделіне негізделген GenAI.mil жүйесін толықтырады. Бұл платформа құпия емес, бірақ қызметтік маңызы бар кейбір деректерді өңдеуге қабілетті екені өткен айда белгілі болған.
