Жетісу облысында Алматы – Өскемен тасжолында бір жүк көлігі мен үш жеңіл автокөлік соқтығысып, екі адам зардап шекті, деп хабарлайды Zhaiyqmedia ақпарат агенттігі.
ҚР Төтенше жағдайлар министрлігінің мәліметінше, жол-көлік оқиғасы Көксу ауданындағы Алғабас ауылының маңында болған.
Апат салдарынан жеңіл көліктердің бірі жүк көлігінің астына кіріп кетіп, жүргізушіні темір құрсауда қысып қалған. Оқиға орнына жеткен құтқарушылар арнайы гидравликалық құралдардың көмегімен зардап шеккен азаматты көліктен шығарып алды.
Екі зардап шегуші де жедел медициналық жәрдем бригадасына тапсырылды.
Фото: Әлеуметтік желіден
