Қазақстанда үндістандық «Desilmax» препаратын медициналық мақсатта қолдануға және сатуға тыйым салынды, деп хабарлайды Zhaiyqmedia ақпарат агенттігі.
Денсаулық сақтау министрлігі Медициналық және фармацевтикалық бақылау комитетінің төрағасы тиісті бұйрыққа қол қойды.
Бұл шектеу жарамдылық мерзімі 2026 жылдың шілдесінде аяқталатын «BSE92301A» сериялы таблеткаларға қатысты. Дәрі-дәрмекті Үндістанның «Маклеодс Фармасьютикалз Лимитед» компаниясы шығарады.
Тыйым салуға «Дәрілік заттар мен медициналық бұйымдарды сараптау ұлттық орталығының» хаты мен зертханалық сынақ хаттамасы негіз болған.
Бұйрық қол қойылған күннен бастап күшіне енді.
