Сурет: 24.kz
Костанай облысындағы Тобыл өзенінде суға батып кеткен атасы мен немересінің мәйіті табылды. Еріктілер іздеу жұмыстары аяқталғанын хабарлады, деп хабарлайды Zhaiyqmedia.kz ақпарат агенттігі.
Қайғылы оқиға өткен жексенбіде Алтын Дала ауылы маңында болған. Отбасылық демалыс кезінде 2020 жылы туған бала өзен жағасында ойнап жүріп, қатты ағыс аймағына түсіп кеткен. Мұны көрген атасы немересін құтқару үшін суға секірген, алайда екеуі де судан шыға алмаған.
Іздеу-құтқару операциясына ТЖД-нің шамамен 40 қызметкері тартылған. Сондай-ақ 13 техника, 2 жүзу құралы, дрон және үш сүңгуір тобы пайдаланылған.
