The New York Times: Путин соғысты тоқтатудың шарттарын тек өзі белгілейтінін ашық білдірді

Ресей президенті Владимир Путин Украинадағы соғысты тоқтатудың шарттарын тек Мәскеу айқындайтынын көрсетіп отыр. Бұл туралы The New York Times хабарлады.

Басылым мәліметінше, Путин Ресейдің майдандағы артықшылығы артып келе жатқанына сенімді. Кремльге жақын дереккөздер оның басты мақсаты – Киевті Ресейдің әскери күшіне қарсы тұрудың мәнсіз екеніне көз жеткізу екенін айтады.

«Путиннің Украинаға, Еуропаға және АҚШ президенті Дональд Трампқа жолдауы айқын: «Мен айтқанымнан қайтпаймын». Ресей басшысы Киевтің еуропалық одақтастары Украина аумағына әскер орналастыруды көздесе, қауіп төнетінін ескертті. Сонымен бірге Мәскеу келіссөзге дайын екенін айтқанымен, Путин Трампқа өзінің негізгі талаптарынан бас тартпайтынын білдірді», – деп жазады NYT.