Президент Қасым-Жомарт Тоқаевтың өкімімен Қорғаныс министрлігінде жаңа кадрлық тағайындау болды, деп хабарлайды Zhaiyqmedia ақпарат агенттігі.
Бұл лауазымға бұған дейін Десанттық-шабуылдау әскерлерін басқарған Алмаз Жұмакеев келді.
«Мемлекет басшысының өкімімен Алмаз Жеңісұлы Жұмакеев Қазақстан Республикасы Қорғаныс министрінің орынбасары лауазымына тағайындалып, бұрынғы атқарған қызметінен босатылды», – делінген Ақорданың ресми сайтында.
Қорғаныс министрлігінің ақпараты бойынша, Алмаз Жұмакеев министрдің тыл және әскери инфрақұрылым жөніндегі орынбасары қызметін атқарады.
Алмаз Жұмакеев 1970 жылы 6 наурызда Ыстықкөл облысының Пржевальск қаласында дүниеге келген. 1992 жылы Ленин комсомолы атындағы Рязань жоғары әуе-десанттық командалық училищесін тәмамдаған.
Еңбек жолын десанттық-шабуылдау әскерлерінде бастап, взвод командирінен әскери бөлім командиріне дейінгі лауазымдарды атқарды. Әскери басқару органдарында қызмет етіп, Бас штабтың Жауынгерлік даярлық департаментін басқарды, сондай-ақ Құрлық әскерлері бас қолбасшысының жауынгерлік даярлық жөніндегі орынбасары болды.
2022 жылдың наурыз айынан бастап осы тағайындауға дейін Қазақстан Қарулы Күштерінің Десанттық-шабуылдау әскерлеріне қолбасшылық етті.
II дәрежелі «Айбын» және I, II дәрежелі «Даңқ» ордендерімен марапатталған.
Фото: Әлеуметтік желіден
