Сурет: Egemen Qazaqstan
Kcell мен Beeline ұялы байланыс операторлары автоқоңырау қызметін тоқтататынын ресми түрде хабарлады. Бұл өзгерістер маусым айының соңынан бастап күшіне енеді, деп хабарлайды Zhaiyqmedia.kz ақпарат агенттігі.
Операторлардың мәліметінше, бұл шешім абоненттердің қауіпсіздігін арттыру және алаяқтық әрекеттердің алдын алу мақсатында қабылданған. Автоқоңырау қызметі көбінесе спам және фишинг шабуылдарында қолданылады.
«Біз клиенттерімізді қорғау үшін барлық шараларды қолданамыз. Автоқоңырауларды өшіру – осы бағыттағы маңызды қадам», – деді Kcell өкілі.
Beeline компаниясы да бұл бастаманы қолдап, абоненттерге қауіпсіз байланыс ортасын қамтамасыз етуге уәде берді. Жаңа ережелерге сәйкес, автоқоңырауларды пайдаланушы компанияларға балама шешімдер ұсынылады.
