Сурет: Ашық дереккөз (архив)
Қазақстанда заңнаманы ізгілендіруге бағытталған маңызды қадам жасалды. Депутаттар жаңа рақымшылық туралы заң жобасын талқылап жатыр, деп хабарлайды Zhaiyqmedia.kz ақпарат агенттігі.
Бұл рақымшылық Әділетті Қазақстан тұжырымдамасы аясында әзірленген. Ол сотталғандардың бір бөлігін босатуды және жазасын жеңілдетуді көздейді.
«Бұл – күшті мемлекеттің көрінісі. Мемлекет өз азаматтарына екінші мүмкіндік беруге дайын», – деді депутаттардың бірі.
Жоба бойынша рақымшылық жеңіл қылмыс жасағандарға, сондай-ақ әйелдер мен кәмелетке толмағандарға қатысты қолданылады. Ал ауыр қылмыскерлер бұл тізімге енбейді.
Заң жобасы қазір Мәжілісте қаралып жатыр. Мамандар оны биылғы жылдың соңына дейін қабылдауы мүмкін деп болжайды.
