Сурет: gov.kz
2025 жылы Қазақстанда теміржол көлігін жаңғырту жұмыстары қарқынды жүргізілуде. ҚР көлік министрі Нұрлан Сауранбаевтың хабарлауынша, биыл елдегі 124 теміржол вокзалында жаңғырту басталған, оның ішінде 46 вокзалда құрылыс жұмыстары жыл соңына дейін толық аяқталады. Жобаның мақсаты – елдегі теміржол инфрақұрылымын халықаралық стандарттарға сай келтіріп, сапалы қызмет көрсету деңгейін арттыру.
Сонымен қатар, биыл 175 жаңа заманауи жолаушылар вагоны сатып алынды. Бұл қадам ҚТЖ вагондар паркінің жаңаруын қамтамасыз етуге бағытталған. Министрдің айтуынша, 2030 жылға дейін парктің толық жаңартылуы жоспарланған, бұл жолаушыларға сапалы және қауіпсіз тасымалдау қызметін ұсынуға мүмкіндік береді. Жобалар теміржол секторын заманауи талаптарға сай дамытуға және логистикалық әлеуетті арттыруға үлес қосады.
