Сенбі, 10 ақпан күні Мемлекет басшысы Қасым-Жомарт Тоқаевтың төрағалығымен Үкіметтің кеңейтілген отырысы өтеді, деп хабарлайды Zhaiyqmedia ақпарат агенттігі.
Ақорданың ресми хабарлауынша, жиында еліміздің 2023 жылғы әлеуметтік-экономикалық дамуының қорытындылары талқыланады. Сонымен қатар Үкімет пен жергілікті атқарушы органдардың алдағы кезеңге арналған негізгі міндеттері айқындалады.
Дәстүрлі жиынға премьер-министр бастаған Үкімет мүшелері, Парламент палаталарының басшылары, орталық мемлекеттік органдардың, ұлттық компаниялардың жетекшілері және барлық облыс пен республикалық маңызы бар қалалардың әкімдері қатысады.
Отырыс қорытындысы бойынша Президент Үкімет жұмысына баға беріп, экономикалық өсімді қамтамасыз ету және халықтың әл-ауқатын арттыру бойынша нақты тапсырмалар жүктейді деп күтілуде.
Фото: Әлеуметтік желіден
