Отан қорғаушылар күні қарсаңында Астанадағы «Tanym» кешенінде «Шекарашы балақай» мультсериалының тұсаукесері өтті, деп хабарлайды Zhaiyqmedia.kz ақпарат агенттігі.
Мультфильм балаларға шекара қызметінің маңызын түсіндіріп, отансүйгіштікке тәрбиелеуді көздейді. Жоба авторлары кейіпкерлер арқылы жас көрерменге елін қорғау – әркімнің парызы екенін жеткізуді мақсат еткен.
«Біз балалардың бойына патриоттық сезімді ерте жастан сіңіруге тырыстық. Мультсериал кейіпкерлері – нағыз батырлар, олар шекараны күзетіп, қиындықтарды жеңеді», – деді жоба жетекшісі Асхат Еркінбаев.
Шараға мектеп оқушылары, ата-аналар және ардагерлер қатысты. Кішкентай көрермендер мультфильмді ықыласпен қабылдап, кейіпкерлермен суретке түсті. Сериал алдағы уақытта телеарналар мен интернет платформаларда көрсетіледі.
