Түркістан облысындағы Болашақ шағынауданында жол салу жұмыстары қызу жүріп жатыр. Қазіргі таңда мұнда 7 көшеге асфальт төсеу жұмыстары жүргізілуде. Барлық көшелерде жолдың негізгі қабаты толық дайындалған, ал 2 көшеде асфальт жабындысын төсеу ісі басталып кетті.
Жалпы жөнделетін жолдардың ұзындығы 2 шақырым 400 метрді құрайды. Құрылыс жұмыстарын мердігер ұйымдар 15 қарашаға дейін толық аяқтауды жоспарлап отыр.
Болашақ шағынауданының инфрақұрылымы соңғы жылдары айтарлықтай жақсарып келеді. Бұған дейін мұнда ауызсу және электр желілері жаңартылып, көшелер жарықтандырылған болатын. Енді жолдардың жөнделуі аудан тұрғындарының тұрмыс сапасын арттыруға бағытталған тағы бір маңызды қадам болмақ.
