Президент Қасым-Жомарт Тоқаев Түркиямен сауда-экономикалық байланыстардың қарқынды дамып жатқанын айтты. Соңғы жылдары екі ел арасындағы ынтымақтастық жаңа деңгейге көтерілді, деп хабарлайды Zhaiyqmedia.kz ақпарат агенттігі.
Мемлекет басшысының айтуынша, Түркия қазірдің өзінде Қазақстанның ең ірі бес сауда серіктесінің қатарына кіреді. Екіжақты тауар айналымы жыл сайын өсіп, жаңа жобалар іске асырылуда.
«Біздің әріптестігіміз тек саудамен шектелмейді. Инвестиция, технология, мәдениет және білім салаларында да тығыз байланыс орнаған», – деді Тоқаев.
Президент бұл серіктестіктің аймақтық тұрақтылық пен экономикалық өсуге оң әсер ететінін атап өтті. Алдағы уақытта екі ел арасындағы стратегиялық ынтымақтастықты одан әрі тереңдету жоспарлануда.
